MASTURBAZIOA

ZER DA?

• Nork bere buruarekin, bere gorputzarekin, plazera lortzea, gehienetan buruan norbait (benetakoa edo birtuala) duelarik, amets egiten, desiratzen eta kilikatzen.
• “Sexuan jardutea da gehien maite duzun lagunarekin” (Woody Allen).
• Masturbazioa ez da ez ona ez txarra; bizipen subjektiboa da, baina gehienetan atsegina, gozagarria. Aukera ematen dizu zeure gorputza ezagutzeko, zer gustatzen zaizun eta nola jakiteko.
• Masturbatzeko arrazoi asko dago: lagundu egiten digu geure gorputza ezagutzen, esperimentatzen (esperientziak bizi eta esperimentuetan aritu), lasaitzen, lo goxoa egiten; entretenigarri ere ematen digu, haserrea eta hilekoaren mina kendu, fantasiaz betetzen digu burua...
• Mutilek kanpaia jotzen dute eta neskek, berriz, hatzak darabiltzate. Mutilek, zakila estimulatzeko, eltzagorrari bezala eragiten diote. Neskek klitoria ukitzen dute, zirkulu edo pendulu mugimenduak eginez.
• Masturbatzen ez diren mutilak ez dira friki hutsak; eta masturbatzen diren neskak ez dira urdanga hutsak.
• Hamasei urteko mutikoen % 97 masturbatzen dira gehiago edo gutxiago eta eutsi egingo diote masturbatzeari beren bizialdi guztian; urteak igaro ahala, agian, gero eta gutxiago egingo dute. Hamasei urteko neskei bagagozkiela, berriz, esan behar dugu % 30 bakarrik masturbatu direla inoiz. Asko geroago hasten dira masturbatzen eta beren bizialdi guztian emakumeen % 65ek bakarrik egiten dute bere buruarekin.
• Ez ahaztu elkar masturbatzea ere badagoela: lehen, gero eta “horren” bitartean, horren ordez, horrekin batera...

ZUK NI ETA NIK ZU

Hainbat iradokizun laguna masturbatzeko. Aurki ezazue batera zer eta nola gustatzen zaizuen.

Gizon gorputza helburu (joystick zaleentzat):

• Ez eraman mailua zuzen-zuzen iltzera. Ez montatu kanpaidenda edonon. Segi paseatzen haren gorputzean.
• Aurkitu gorputz jarrera erosoa biontzat.
• Bermatu labain dagoela une oro, minik ez ematearren. Labain jartzeko, listua erabil dezakezu.
• Inportanteak dira erritmoa (eskumuturraren abiada), presioa (eskuaren indarra) eta sakonera (prepuzioa mugitzen den tartea).
• Interesatuak ere lagundu, zuzendu eta irakatsi dezake, eskuz edo keinuz. Hartu haren eskua eta jar ezazu zeurearen gainean, gidari moduan.
• PRAKTIKAREN PRAKTIKAZ HOBETZEN DA TEKNIKA.
• Gizonaren kitzikatzea azkarragoa da; orgasmoa, aldiz, laburragoa.

Eme gorputza helburu (klitoria maneiatzeko karneta beharrezkoa):

• Ez eraman mailua zuzen-zuzen iltzera. Melodia eta akonpainamendua, biak dira garrantzizko. Segi paseatzen haren gorputzean.
• Baginara iritsita, neska kitzikaturik ez badago, hanka sartu duzu guztiz. Eta hanka sartuta, ez sartu zakilik. Jokatu lasai, pazientziaz, antsietaterik gabe. Lortu ezean, disimulatu, lasai itxura egin.
• Neskak kitzikatzeko gomendio pare bat: a) martxa laburra eta motorea erreboluzionatu gabe; b) saiatu asko eta despistatu piloa.
• Neska gehienak samurrak, begiruneak, erromantizismoak kitzikatzen dituzte: ausart izan zaitez horrelako perbertsioekin.
• Aurkitu gorputz jarrera erosoa biontzat.
• Eme genitalak barru-barruan daude; lehor ukitzeak min egin diezaioke. Labain jartzeko, listua erabil dezakezu.
• Hatzak leun mugitu.
• Klitoria zakil txiki baten modukoa da. Kitzikatuz gero, gogortu egiten da. Klitoriaren inguruan dauka eme gorputzak sentiberatasun handiena. Gogoratu aurreko gomendioak.
• Leun, labain, erritmo eta presioa: horra hor inportanteena.
• Utzi interesatuari laguntzen: ahoz eta keinuz eman diezazkizuke argibideak, zuzenbideak, irakasbideak.
• PRAKTIKAREN PRAKTIKAZ HOBETZEN DA TEKNIKA.
• Emakumearen kitzikatzea geldoagoa da; orgasmoak, aldiz, bat baino gehiago izan daitezke.